Tobik budzie hałodny: Raśsielhasnahlad nie puściŭ u Rasiju paŭtony biełaruskaj sabačaj kiłbasy
U punkcie papiaredniaha paviedamleńnia «Čyrvonaja Horka» 5 listapada Raśsielhasnahlad zabaraniŭ uvoz u Rasiju ź Biełarusi varanaj kiłbasy dla karmleńnia sabak «Dla Tobika» vytvorčaści AAT «Mahiloŭski miasakambinat».
Hruz masaj 500 kh kiravaŭsia ŭ Smalensk i supravadžaŭsia vieterynarnym siertyfikatam, vydadzienym 4 listapada biełaruskaj dziaržaŭnaj vieterynarnaj słužbaj.
Pavodle źviestak upraŭleńnia Raśsielhasnahladu pa Branskaj i Smalenskaj abłaściach, inśpiektary vyjavili, što pradpryjemstva-vytvorca nie atestavanaje na vytvorčaść hatovych karmoŭ dla sabak u Rejestry arhanizacyj i asob, jakija ažyćciaŭlajuć vytvorčaść, pierapracoŭku i (abo) zachoŭvańnie padkantrolnych tavaraŭ, što pieramiaščajucca z terytoryi adnaho boku Mytnaha sajuza na terytoryju inšaha boku.
