MTZ prezientavaŭ samuju mahutnuju madel — traktar «Biełarus-4522»
Na płoščy kala Minskaha traktarnaha zavoda adbyłasia prezientacyja novaj madeli traktara «Biełarus-4522» mahutnaściu 450 k.s.
Traktar źjaŭlajecca najnoŭšaj raspracoŭkaj AAT «MTZ» i adpaviadaje apošnim tendencyjam u raźvićci suśvietnaha traktarabudavańnia. Heta samy mahutny traktar u liniejcy pradukcyi MTZ i adzin z samych mahutnych kołavych traktaroŭ u śviecie, paviedamlaje BiełTA.
«Biełarus-4522» ujaŭlaje saboj traktar ahulnaha pryznačeńnia ciahavaha kłasa 8 z kołavaj formułaj 4K4, vykanany pa kłasičnaj kampanoŭcy. Na jaho ustalavany ruchavik Caterpillar C13, jaki adpaviadaje pa vykidach škodnych rečyvaŭ normam Stage-IIIA. Tranśmisija zabiaśpiečvaje 16 pieradač piaredniaha chodu, 8 pieradač zadniaha chodu. Kiravańnie - elektrahidraŭličnaje.
Na MTZ spadziajucca, što na novy traktar budzie mieć popyt u krainach ź vialikimi pasiaŭnymi płoščami — naprykład, u Kazachstanie ci Rasii.
