Hrupa moładzi sarvała adkryćcio pomnika Leninu kala MTZ FOTA, VIDEA
«Naša Niva» — bastyjon biełaruščyny
PADTRYMAĆPierad adkryćciom pomnika Daškievič stajaŭ za žurnalistami. Za im čakaŭ AMAP.
Daškievič trymaje nad hałavoj płakat z cytataj Lenina ab nieabchodnaści «ŭzakonić teror».
Pieršym na Daškieviča kinuŭsia druhi sakratar CK BRSM Siarhiej Kliševič.
Potym da źbićcia padklučylisia «cichary».
U mašynu Daškieviča nieśli try amapaŭcy.
7 listapada padčas adkryćcia novaha pomnika Leninu kala Traktarnaha zavoda, čaćviora demakratyčnych aktyvistaŭ vyjšli z natoŭpu ŭdzielnikaŭ i pačali kryčać «Hańba!» Heta byli Źmicier Daškievič, Siarhiej Palčeŭski, Arciom Leŭčanka i Raman Hančaroŭ.
U adkaz na aktyvistaŭ z krykam «Lenin, partyja, kamsamoł!» kinuŭsia druhi sakratar BRSM Siarhiej Kliševič.
Asoby ŭ cyvilnym adrazu ž u metach biaśpieki adviali ŭbok namieśnika staršyni Minharvykankama i adnačasova kiraŭnika biełaruskich kamunistaŭ Ihara Karpienku.
Demakratyčnych aktyvistaŭ tym časam skrucili supracoŭniki AMAPu. Lidara «Maładoha Frontu» Źmitra Daškieviča try milicyjanty nieśli da mašyny.
Paśla hetkaha zdareńnia dla pryhałomšanaha natoŭpu ŭklučyli «Himn Usiebiełaruskaha narodnaha schodu» ŭ vykanańni Alaksieja Chlastova.
Try zatrymanyja aktyvisty — Siarhiej Palčeŭski, Arciom Leŭčanka i Raman Hančaroŭ — vyjšli na volu paśla 17-j. Źmicier Daškievič znachodziŭsia ŭ pastarunku jašče amal hadzinu. Pavodle słovaŭ lidara «Maładoha Fronta», na jaho skłali try pratakoły: za «ŭdzieł u niesankcyjanavanaj akcyi», za «chulihanstva» i za «niepadparadkavańnie milicyi». «U milicejskim aŭtobusie mianie źbivali. Kali ja pačaŭ malicca, tyckali dubinkaj u zuby. Usie hetyja ich dziejańni ja zafiksavaŭ u pratakołach. Dumaju, budu padavać skarhi», — skazaŭ Daškievič karespandentu NN.
Novy pomnik Leninu adkryvali na hadavinu Kastryčnickaj revalucyi kala MTZ. Raniej pomnik znachodziŭsia va ŭnutranym dvary zavoda, niekalki hadoŭ byŭ na restaŭracyi, a ciapier jaho było vyrašana pastavić kala prachadnoj zavoda. Rašeńnie abhruntavali prośbami «vieteranaŭ i kamunistaŭ».
Hladzicie taksama: Navošta Minsku jašče adzin Lenin? VIDEAAPYTANKA
Apytanka
