10 listapada — prezientacyja knihi-daśledavańnia pra biełaruskija bałoty
10 listapada. CNB Nacyjanalnaj Akademii Navuk (Surhanava, 15). Pačatak a 18:00.
Ad staražytnaści i da našych časoŭ bałoty zastavalisia vabnaj i žachlivaj zahadkaj dla zvyčajnaha čałavieka. Adnak, dziakujučy bolš jak 150-hadovaj pracy navukoŭcaŭ i daśledčykaŭ, jany pastupova adkryvajuć svaje tysiačahadovyja tajamnicy.
10 listapada 2016 hoda a 18.00 u infarmacyjna-vystavačnym centry Centralnaj navukovaj biblijateki NAN Biełarusi adbudziecca prezientacyja knihi «Fłora i raślinnaść vierchavych bałot Biełarusi», jakaja abjadnała šmathadovyja daśledavańni biełaruskich bałot, praviedzienyja navukoŭcami z roznych krain śvietu.
Akramia taho, słuchačoŭ čakaje cikavaja navukova-papularnaja lekcyja «Krok u śviet vierchavych bałot» ad viadučych navukoŭcaŭ-bałotaznaŭcaŭ: kandydata bijałahičnych navuk Dźmitryja Hrumo (Instytut ekśpierymientalnaj bataniki NAN Biełarusi), kandydata bijałahičnych navuk Aleha Sozinava (Hrodzienski dziaržaŭny univiersitet imia Janki Kupały ), kandydata bijałahičnych navuk Volhi Hałaninaj (Instytut navuk ab ziamli, Sankt-Pieciarburhski dziaržaŭny univiersitet), kandydata bijałahičnych navuk Natalli Zielankievič (Instytut ekśpierymientalnaj bataniki NAN Biełarusi). Na lekcyi budzie razhledžana historyja vyvučeńnia vierchavych bałot u Biełarusi, asablivaści ich raźvićcia i charakternyja rysy, hieahrafija ich raspaŭsiudu, a taksama značeńnie vierchavych bałot dla bijaśfiery i bijałahičnaj raznastajnaści Biełarusi. Razmova pojdzie i ab asnoŭnych pryncypach achovy bałotnych masivaŭ takoha typu.
Uvachod na mierapryjemstva biaspłatny, z rehistracyjaj pa spasyłcy.
