Chłopiec pajšoŭ znajomicca ź viadučaj BT z fłakonam parfumy i nažom
Dziŭny prychilnik źjaviŭsia ŭ adnoj ź viadučych Biełaruskaha telebačańnia: 27 kastryčnika małady čałaviek sprabavaŭ niezakonna prajści ŭ budynak Biełteleradyjokampanii pa vulicy Makajonka, 9. Infarmacyja pra zdareńnie źjaviłasia ŭ fejsbuku.
Pakolki budynak miedyjachołdynku źjaŭlajecca režymnym abjektam, viziciora apieratyŭna zatrymali supracoŭniki Departamientu achovy MUS Biełarusi. Parušalnik — žychar adnaho z rajcentraŭ Bresckaj vobłaści, jon skazaŭ, što daŭno i addana zachaplajecca adnoj z televiadučych.
Pry hetym chłopiec išoŭ na sustreču sa svajoj maraj, niesučy fłakon žanočaj parfumy i nož. Navošta jamu takaja atrybutyka, jon nie patłumačyŭ.
Niaŭdačlivaha prychilnika dastavili ŭ Pieršamajski RUUS, dzie na jaho skłali administratyŭny pratakoł