Kiraŭnik Ruchu «Za svabodu» ŭpaŭ ź jabłyni z elektrapiłoj
Abrezka baćkavaha sadu kiepska skončyłasia dla staršyni Ruchu «Za Svabodu» Jurasia Hubareviča. U starych drabinach prałamilisia capki, i palityk z dvuchmietrovaj vyšyni, z elektrapiłoj u rukach, upaŭ na svajho brata.
Tolki cudam jon i brat abyšlisia bieź pierałomaŭ i parezaŭ.
Hubarevič dapamahaje 70-hadovaj mamie hladzieć sad na svajoj radzimie pad Biełaazierskam. Drevy sadziŭ jašče jaho baćka ŭ 1980-ch.
«Z hetaj jabłyni sabrali niekalki skryń jabłyk, mama razdaje ich nam i svajakam, — raskazaŭ «Našaj Nivie» Hubarevič. — My z bratam pryjazdžajem na lecišča niekalki razoŭ na hod dapamahčy maci z surjoznymi rabotami», — kaža jon.
Juraś Hubarevič za płuham (sprava).
Z traŭmami, atrymanymi ŭ pracesie sadovych rabot, da miedykaŭ štohod źviartajucca niekalki socień biełarusaŭ.
Sadovyja drevy abrazajuć abo pozna-pozna vosieńniu, abo rana-ranieńka ŭviesnu, kali sok jašče nie chodzić.