Błohier Matolka źviartajecca ŭ Minharvykankam z prośbaj zachavać novy varyjant hrafici
Błohier Anton Matolka adreahavaŭ na kamientar Minharvykankama z asudžeńniem učynka ananimnaha hraficista, jaki damalavaŭ kalučy drot na hrafici, pryśviečanym biełaruska-rasijskamu siabroŭstvu.
«A mnie voś, spadabałasia, — piša Matolka ŭ svaim fejsbuku. — Tamu ja vaźmu i napišu elektronny zvarot u Minharvykankam, što mnie novy varyjant malunka padabajecca, i prašu ŭličyć hołas žychara stalicy i pakinuć jaho ŭ ciapierašnim vyhladzie, z kalučym drotam, jak i namalavaŭ nieviadomy hraficist.
Dasłać aficyjnaje elektronnaje paviedamleńnie ŭ Minharvykankam možna pa spasyłcy.
Dasyłajcie taksama zvarot, kali vam novy varyjant malunka spadabaŭsia. My ž žychary Minska? Minčanie? Dyk niachaj vučacca prysłuchoŭvacca da mierkavańnia žycharoŭ», — piša Matolka.