U ZŠA znajšli istotu z 414 nahami i čatyrma pienisami
Navukoŭcy znajšli ŭ piačory nacyjanalnaha parku «Siekvoja» u Kalifornii novy vid mnahanožki, u jakoj naličvajecca 414 noh, 200 atrutnych załoz i čatyry pienisy, piša VVS.
Getty
Śpiecyjalisty vyśvietlili, što novy vid mnahanožak moža być blizki da vidu Illacme plenipes, pradstaŭniki jakoha majuć 750 noh i ličacca samimi mnahanohimi istotami na Ziamli.
Navukoŭcy źviarnuli ŭvahu na niezvyčajnuju pabudovu cieła mnahanožki: u pryvatnaści, na 4 nahi, jakija taksama vykonvajuć funkcyju pienisa, i na sparanyja adtuliny, jakija vydzialajuć nieviadomaje navucy achoŭnaje chimičnaje rečyva.
Novy vid mnahanožak byŭ nazvany Illacme tobini ŭ honar supracoŭnika nacyjanalnaha parku Bena Tobina. U toj ža piačory taksama byli vyjaŭlenyja niedaśledavanyja vidy pavukoŭ, much i skarpijonaŭ.
Bijołahi spadziajucca, što padrabiaznaje vyvučeńnie novaha vidu dazvolić daviedacca bolš pra nadkłas mnahanožak.
U ciapierašni čas navukoŭcami apisana bolš za 12 000 vidaŭ hetych členistanohich.