Na miescy byłoj «Bulbianaj» u Breście adkryli restaran KFC
Fota: Andrej Rybačuk, «Viačerni Brest».
U Breście, u pamiaškańni byłoj «Bulbianaj» na skryžavańni praśpiekta Mašerava i bulvara Šaŭčenki, u piatnicu adkryli restaran papularnaj va ŭsim śviecie sietki chutkaha absłuhoŭvańnia KFC.
Za stałami restarana adnačasova mohuć raźmiaścicca bolš za 150 čałaviek. U adroźnieńnie ad mnohich sietkavych fast-fudaŭ, KFC prapanuje svaim naviedvalnikam piva. Taksama ŭsiudy nalepki pra biaspłatny vaj-faj.
Fota: Andrej Rybačuk, «Viačerni Brest».
«My ŭžo majem dośvied adkryćcia restaranaŭ u Minsku. Ja sama pracavała za kasaj u dzień adkryćcia restarana, pamiataju, jak ludzi stajali kala dźviarej na vulicy, a my imknulisia maksimalna absłužyć haściej. U Brest pryjechali treniery sa stalicy, jakija navučajuć piersanał pracavać taksama chutka, jak ich kalehi ŭ inšych krainach, — raspaviała «Viačerniamu Brestu» Natalla Łysienkava, terytaryjalny kiraŭnik kampanii «Bieł Fud Servis», jakaja vałodaje franšyzaj KFC ŭ Biełarusi.
Fota: Andrej Rybačuk, «Viačerni Brest».
