Aŭtamabili Tesla asnaściać całkam aŭtanomnym aŭtapiłotam
Kampanija Tesla Motors budzie asnaščać usie svaje aŭtamabili całkam aŭtanomnym aŭtapiłotam. Pra heta havorycca ŭ paviedamleńni, raspaŭsiudžanym kampanijaj Iłana Maska 19 kastryčnika.
yahoo.com
Novy aŭtapiłot, padkreślivajecca ŭ zajavie Tesla Motors, harantuje značna bolš vysoki ŭzrovień biaśpieki, čym pry kiravańni čałaviekam.
Novaja sistema aŭtanomnaha kiravańnia, paviedamiła Tesla, uklučaje ŭ siabie, u liku inšaha, vosiem kamier, jakija zabiaśpiečvajuć 360-hradusny vuhał ahladu vakoł aŭtamabila na adlehłaści da 250 mietraŭ, i 12 udaskanalenych ultrahukavych datčykaŭ, jakija vyznačajuć abjekty na dystancyi amal u dva razy bolšaj, čym raniej. Akramia hetaha, mašyny Tesla buduć asnaščany radaram z udaskanalenaj funkcyjaj apracoŭki dadzienych.
Iłan Mask u svaim tvitary paviedamiŭ, što ŭ bližejšy čas budzie apublikavany videazapis pajezdki Tesla z aŭtanomnymi piłotam ŭ haradskim asiarodździ.
***
Kampanija Tesla Motors, zasnavanaja Iłanam Maskam, vypuskaje niekalki vidaŭ elektramabilaŭ, jakija lidzirujuć pa prodažach u hetym siehmiencie aŭtarynka.
Tesla asnaščaje svaje aŭtamabili aŭtapiłota z kastryčnika 2015 hoda. Papiarednija viersii aŭtapiłotaŭ u kampanii nazyvali sistemaj dapamohi kiroŭcu, padkreślivajučy, što jana nie moža całkam uziać na siabie kiravańnie aŭtamabilem.