Apublikavany abnoŭleny śpis najbolš zapatrabavanych u Minsku śpiecyjalistaŭ
Upraŭleńnie zaniataści kamiteta pa pracy, zaniatasci i sacyjalnaj abaronie Minharvykankama apublikavała abnoŭleny śpis najbolš zapatrabavanych na staličnym rynku pracy śpiecyjalistaŭ.
Na 1 kastryčnika 2016 hoda najbolš zapatrabavanymi śpiecyjalistami źjaŭlalisia: miedsiostry (666 zajaŭlenych vakansij), daktary-śpiecyjalisty (400), pradaŭcy (248), kuchary (247), inžyniery (220), prybiralščyki pamiaškańniaŭ (187), śpiecyjalisty roznaj kvalifikacyi (pa 176), kantralory-kasiry (170), vychavalniki, u tym liku daškolnaj adukacyi (156), dyrektary i bietonščyki (pa 151), mulary (135), armaturščyki (125).
U studzieni—vieraśni 2016 hoda pa sadziejańnie ŭ pracaŭładkavańni ŭ słužby zaniataści Minska źviarnułasia 27.383 čałavieki, ź ich 21.357 biespracoŭnych.
Na kaniec vieraśnia ŭ Minsku 13.007 biespracoŭnych mieli prava na atrymańnie dapamohi, siaredni pamier jakoj skłaŭ 21,74 denaminavanaha rubla. Uzrovień aficyjnaha biespracoŭja na kaniec vieraśnia skłaŭ 0,6% kolkaści ekanamična aktyŭnaha nasielnictva Minska.
Na pastajannuju pracu ŭładkavana 11.223 čałavieki, u tym liku 6.894 biespracoŭnyja. Pracaŭładkavana 354 asoby, jakija abaviazany kampiensavać raschody, zatračanyja dziaržavaj na ŭtrymańnie ich dziaciej. Akazana finansavaja padtrymka 118 biespracoŭnym u vyhladzie subsidyj dla arhanizacyi pradprymalnickaj dziejnaści.
Kansultacyju pa pytańniach prafiesijnaj padrychtoŭki, pierapadrychtoŭki i pavyšeńnia kvalifikacyi atrymali 11.393 čałavieki, arhanizavana navučańnie 1.056. U hramadskich rabotach uziali ŭdzieł 2.500 čałaviek, u tym liku 2.424 biespracoŭnyja.
Kolkaść zajaŭlenych vakansij na pradpryjemstvach horada na 1 kastryčnika skłała 7.865, u tym liku dla rabočych — 3.941.
U studzieni—vieraśni 2016 hoda zarehistravana bolš jak 218,7 tys. zvarotaŭ suiskalnikaŭ pracy da elektronnaha banka vakansij u adździełach pracaŭładkavańnia i kala 8,1 młn — da elektronnaha banka vakansij na sajcie Minharvykankama, zapoŭniena bolš za 11,3 tys. ankiet-reziume.