Sud nad Eduardam Palčysam budzie zakrytym
Sud nad aŭtaram błoha 1863x Eduardam Palčysam, jon ža Jhon Silver, jakoha abvinavačvajuć u ekstremiźmie i raspaŭsiudžvańni parnahrafii, projdzie ŭ zakrytym režymie, paviedamiła jahonaja žonka Viktoryja Palčys.
Jana miarkuje, što Eduarda pryznajuć vinavatym u raspalvańni mižnacyjanalnaj varožaści za vykazvańni pra Rasieju jak pra ahresara i patencyjnuju pahrozu Biełarusi. Jana zajaŭlaje, što artykuł za raspaŭsiudžvańnie parnahrafii źjaviŭsia tamu, što «pasadzić niama za što, ale vielmi chočacca».
30 vieraśnia Eduarda Palčysa pieraviali ŭ mienski śledčy izalatar № 1 na vulicy Vaładarskaha. Praces nad Eduardam Palčysam maje pačacca 14 kastryčnika, jamu pahražaje da piaci hadoŭ abmiežavańnia voli abo da 4 hadoŭ pazbaŭleńnia voli. Palčys ličyć, što sud Centralnaha rajonu pryniaŭ svajo rašeńnie ab pryznańni artykułaŭ ekstremisckimi biez daśledavańnia samich artykułaŭ, i nakiravaŭ skarhu ŭ Mienski haradzki sud.
