Pomnik znakamitaj kotcy Tambili i jaje važnaj pozie pastavili ŭ Stambule FOTA
Viadomaje fota, što pryniesła słavu kotcy
U stambulskim rajonie Zivierbiej ustalavali skulpturu ŭ pamiać ab stambulskaj kotcy, jakaja prasłaviłasia ŭ sacsietkach dziakujučy svajoj charakternaj pozie. Adkryćcio skulptury prymierkavana da Suśvietnaha dnia žyvioł, jaki adznačajecca 4 kastryčnika.
Paśla taho jak pietycyja z zaklikam da municypaliteta Kadykoj uviekaviečyć pamiać znakamitaj žyvioły, raźmieščanaja na sajcie Change.org, stała nabirać tysiačy hałasoŭ, skulptar Sievał Šachin pa svajoj inicyjatyvie vyrabiła statuetku koški ŭ jaje kłasičnaj pozie - žyvioła laniva abapirajecca na kraj bardziura — i ŭstalavała na tym samym miescy, dzie było zroblena fota, što prasłaviła Tambili.
Mer stambulskaha rajona Kadykoj Ajkurt Nuchahłu sankcyjanavaŭ ŭstanoŭku pomnika, paśla taho jak internet-zvarot da jaho padpisali bolš za 17 tysiač čałaviek.
Jak raspaviała skulptar u intervju tureckaj haziecie Hurriyet, skulptura vykananaja z bronzy dla taho, kab zabiaśpiečyć jaje ŭstojlivaść da škodnaha ŭździejańnia navakolnaha asiarodździa.
«Pieršapačatkova skulptura była zroblena z hliny, ale potym było dadadziena bronzavaja asnova. Pakolki heta adkrytaje miesca, to skulptura pavinna być vykanana z mocnaha materyjału. Voś čamu my vyrašyli vykarystać bronzu, - raspaviała mastačka. - Dla pracy nad hetaj skulpturaj mnie pryjšłosia staranna vyvučyć knihi pa anatomii žyvioł. Akramia taho, u jakaści madeli ja vykarystała kotku maich siabroŭ, jakaja vielmi padobnaja na Tambili».
Anadolu Kedisi
Tambili, čyjo fota atrymała virusnaje raspaŭsiudžvańnie ŭ internecie paśla taho, jak upieršyniu było raźmieščana na sajcie 9GAG, pamierła 1 žniŭnia paśla ciažkaj chvaroby, jakaja doŭžyłasia kala miesiaca.
Pa słovach miascovych žycharoŭ, kotka słaviłasia svaim spakojnym charaktaram i padkreślena pabłažlivaj manieraj u adnosinach da šmatlikich turystaŭ, jakija sprabavali ź joj hulacca, što i znajšło adlustravańnie ŭ znakamitaj fatahrafii, jakaja zachavała jaje ŭ rełaksujučaj pozie kala tratuara.
Anadolu Kedisi
Pa miery taho, jak fatahrafija nabirała papularnaść u internecie, jana stanaviłasia asnovaj dla šmatlikich fotažabaŭ: karystalniki internetu malavali jaje to z čarkaj rakii, to sa šklankaj harbaty abo z cyharaj.
