Łukašenka padpisaŭ ukaz «Ab sacyjalna-ekanamičnym raźvićci na 2017 hod»
Alaksandr Łukašenka padpisaŭ ukaz numar 358 «Ab zadačach sacyjalna-ekanamičnaha raźvićcia Respubliki Biełaruś na 2017 hod».
Asnoŭnaja meta sacyjalna-ekanamičnaha raźvićcia krainy ŭ 2017 hodzie — rost kankurentazdolnaści ekanomiki i stvareńnie ŭmoŭ dla dasiahnieńnia met Prahramy sacyjalna-ekanamičnaha raźvićcia Biełarusi na 2016-2020 hady.
U dakumiencie taksama vyznačany klučavyja zadačy sacyjalna-ekanamičnaha raźvićcia Biełarusi na 2017 hod: zabieśpiačeńnie makraekanamičnaj zbałansavanaści, finansavaje azdaraŭleńnie arhanizacyj realnaha siektara ekanomiki, stvareńnie efiektyŭnaj sistemy zaniataści, rost pradukcyjnaści pracy, stvareńnie novych rabočych miesc, pavyšeńnie efiektyŭnaści kiravańnia dziaržaŭnaj majomaściu, uklučeńnie ŭ ekanamičny abarot nieefiektyŭna vykarystoŭvajemaj dziaržaŭnaj majomaści, palapšeńnie inviestycyjnaha klimatu, źnižeńnie administracyjnaj nahruzki na biźnies.
Bazaj zachavańnia makraekanamičnaj stabilnaści ŭ 2017 hodzie pasłužyć źnižeńnie inflacyi da ŭzroŭniu, jaki nie pieravyšaje 9 pracentaŭ, pryciahnieńnie pramych zamiežnych inviestycyj na čystaj asnovie ŭ sumie $1,4 młrd.
Vałavy ŭnutrany pradukt u 2017 hodzie prahnazujecca na ŭzroŭni 101,7 pracenta adnosna 2016 hoda.
U źniešnim handli praduhledžvajecca zabiaśpiečyć dadatnuju dynamiku - temp rostu ekspartu tavaraŭ i pasłuh na ŭzroŭni 103,8 pracenta da 2016 hoda.
Pradukcyjnaść pracy prahnazujecca na ŭzroŭni 101,8 pracenta da papiaredniaha hoda. Pry hetym pradukcyjnaść pracy budzie pieravyšać temp rostu realnaj zarabotnaj płaty (101,5 pracenta) i realnych najaŭnych hrašovych dachodaŭ nasielnictva (101,3 pracenta).
