Zabiŭšy baćkoŭ, jon raschvalavaŭsia i zabiŭ jašče 17 čałaviek: drama pa-kitajsku
Žychar kitajskaj pravincyi Juńnań 27-hadovy Jan Cyńpej pryznaŭsia ŭ zabojstvie svaich baćkoŭ i 17 inšych žycharoŭ rodnaj vioski Jema. Cyńpeja zatrymali ŭ stalicy pravincyi, horadzie Kuńmin, u 200 km ad miesca złačynstva.
Cyńpej byŭ zatrymany ŭ čaćvier. Jaho pačali šukać paśla taho, jak u vioscy byli znojdzieny cieły jaho achviar. Pa słovach pradstaŭnikoŭ palicyi, jon raspavioŭ padrabiaznaści złačynstva.
Małady čałaviek pracavaŭ ŭ Kuńminie i zredku pryjazdžaŭ u rodnuju viosku. U apošni raz jon pryjechaŭ tudy ŭ sieradu i zastaŭsia ŭ haściach u baćkoŭ.
Viečaram Cyńpej pasvaryŭsia z baćkami paśla taho, jak paprasiŭ u ich hrošaj. Padčas svarki małady čałaviek zabiŭ baćku i maci. Jakim mienavita sposabam - nie paviedamlajecca.
«Zabiŭšy baćkoŭ, jon zachvalavaŭsia, što złačynstva mohuć vyjavić, i ździejśniŭ zabojstva jašče 17 čałaviek», - cytuje Sińchua zajavu palicyi.
Siarod achviar Cyńpeja - čaćviora niepaŭnaletnich, uzrost zabitych varjirujecca ad 3 da 72 hadoŭ.