Reuters: ZŠA prypyniajuć supracoŭnictva z Rasijaj pa Siryi
ZŠA prainfarmujuć Rasiju ab tym, što prypyniajuć dypłamatyčnaje supracoŭnictva ź joj u Siryi. Pra heta paviedamlaje Reuters sa spasyłkaj na nienazvanych amierykanskich čynoŭnikaŭ.
Napiaredadni ŭ Dziarždepartamiencie ZŠA paviedamili, što dziaržsakratar Džon Kiery ŭ telefonnaj razmovie z kiraŭnikom MZS Rasii Siarhiejem Łaŭrovym pryhraziŭ prypynieńniem supracoŭnictva pa Siryi. Kiery zajaviŭ, što Rasija pavinna spynić nastup na Alepa i adnavić režym spynieńnia ahniu.
Namieśnik kiraŭnika MZS Rasii Siarhiej Rabkoŭ nazvaŭ heta «palitykaj pahroz i šantažu». Pavodle jaho słoŭ, taki padychod nakiravany na toje, kab «naviazać vyhadnyja ZŠA i ich klijentam rašeńni».
Paźniej Kirbi zajaviŭ, što ZŠA abmiarkoŭvajuć «niedypłamatyčnyja adkazy» na zryŭ pieramirja ŭ Siryi. Pavodle dadzienych Reuters, hetyja miery praduhledžvajuć u asnoŭnym vykarystańnie vajennaj siły. U pryvatnaści, abmiarkoŭvaŭsia dazvoł sajuźnikam u krainach Piersidskaha zaliva zabiaśpiečvać apazicyju bolš mahutnaj zbrojaj. Taksama razhladaŭsia scenar naniasieńnia ŭdaru pa avijabazie uradavych vojskaŭ. Akramia hetaha, ZŠA dumajuć pra adpraŭku dadatkovych bajcoŭ śpiecnaza dla navučańnia i kansultavańnia siryjskich i kurdskich paŭstancaŭ. Dadatkam da hetaha moža stać pavieličeńnie hrupoŭki karabloŭ i avijacyi va ŭschodnim Mižziemnamorji.