ES kampiensuje polskim fiermieram častku srodkaŭ za niepradadzienyja jabłyki
Jeŭrapiejski miechanizm padtrymki sadoŭnikaŭ praduhledžvaje vypłatu kampiensacyj, kali fiermier nie vychodzić na rynak sa svajoj pradukcyjaj. Takija miery byli ŭviedzienyja ŭ suviazi ź ciažkaściami na rynku z-za rasijskaha embarha.
Pa słovach ekśpierta ź Instytuta ahrarnaj i charčovaj ekanomiki Baženy Nasieckaj, u hetym siezonie zakupačnyja ceny na sadavinu vielmi nizkija, a novych mahčymaściaŭ pradavać pradukcyju na ekspart niama.
«Pierad uviadzieńniem embarha na rasijski rynak pastupała kala 60% našaha ekspartu. Heta davoli vialiki prabieł, jaki nieabchodna zapoŭnić.
Bolšuju častku ekspartu ŭdałosia pieravieści ŭ Biełaruś. Tym nie mienš, tam zakupačnyja ceny našmat nižejšyja, čym byli ŭ Rasii», — adznačyła jana.
Taja pradukcyja, jakaja nie vyjdzie na rynak, budzie pieradadziena dabračynnym arhanizacyjam. Polskija sadoŭniki zmohuć vyvieści z rynka kala 88 tys. ton jabłykaŭ i hruš.
