Łukašenka pryznačyŭ novaha načalnika svajoj kancylaryi — heta pasada była vakantnaj bolš za hod
26 vieraśnia Alaksandr Łukašenka pryznačyŭ Mikałaja Korbuta pamočnikam prezidenta. Mikałaj Korbut uznačalić kancylaryjaju Łukašenki. Heta vielmi vysokaja pasada. Faktyčna možna śćviardžać, što čałaviek u hetym kreśle maje štodzionny dostup da kiraŭnika dziaržavy.
Mikałaj Korbut (u siniaj majcy) źbiraje bulbu z Alaksandram i Mikałajem Łukašenkami.
Pasada pamočnika prezidenta była vakantnaj ad maja 2015 hoda, kali ŭ adstaŭku byŭ adpraŭleny Alaksandr Radźkoŭ. Raniej na pasadzie pracavali Natalla Piatkievič, Uładzimir Maćviajčuk i Uładzimir Makiej.
Mikałaj Korbut apošnim časam aktyŭna źjaŭlaŭsia ŭ supravadžeńni Łukašenki na roznych niefarmalnych mierapryjemstvach, kštałtu źbirańnia kavunoŭ u Drazdach i kaśby siena z Depardjo.
Korbut da apošniaha času zajmaŭ pasadu pamočnika Łukašenki pa Minskaj vobłaści. Raniej jon uznačalvaŭ Kiraŭnictvam spravami prezidenta.
Mikałaju Korbutu 53 hady, jon rodam ź vioski Uža Kapylskaha rajona.
