U Rasii zaklikali viarnuć prybirańnie kłasaŭ školnikami
Ministr adukacyi Rasii Volha Vasiljeva zaklikała viarnuć u škoły praktyku pryciahnieńnia vučniaŭ da prybirańnia kłasaŭ i pracy na prysiadzibnych učastkach na terytoryi navučalnych ustanoŭ.
«My pavinny viarnuć pracu na prysiadzibnych učastkach, jakaja była zaŭsiody, my pavinny viarnuć prybirańnie pamiaškańniaŭ školnych, jakaja nijak nie miažuje z pahrozaj žyćciu i zdaroŭju školnika», — cytuje słovy Vasiljevaj ahienctva ria.ru.
Na jaje dumku, heta dapamoža pryvučyć školnikaŭ nieści adkaznaść za miesca, u jakim jany pravodziać 11 hadoŭ, kab u vyniku vyras «nie spažyviec maleńki, a stvaralnik, jaki ŭ hetaj škole buduje razam z nami, z nastaŭnikami i baćkami».
Prybirańnie ŭ kłasach siłami samich školnikaŭ praktykavałasia ŭ Savieckim Sajuzie. Paśla jaho raspadu hetaja tradycyja ŭ šmatlikich rasijskich škołach pražyła jašče niekalki hadoŭ, ale ŭ 2000-ch hadach ad jaje pastupova admovilisia.
