Rapota — Łukašenka: Uźnikłyja roznahałośsi pamiž Biełaruśsiu i Rasijaj nie pavinny škodzić adnosinam
Uźnikłyja roznahałośsi pamiž Biełaruśsiu i Rasijaj nie pavinny škodzić adnosinam. Pra heta zajaviŭ siońnia žurnalistam dziaržaŭny sakratar Sajuznaj dziaržavy Ryhor Rapota pa vynikach sustrečy z Alaksandram Łukašenkam.
«Uzajemaadnosiny dźviuch dziaržaŭ — heta zaŭsiody pytańnie šmathrannaje, i ŭ jaho rašeńnie ŭciahnuta vielmi šmat ludziej: ad prezidentaŭ, jakija zadajuć viektar raźvićcia, da prostych vykanaŭcaŭ, jakija vyrašajuć kankretnyja pytańni, — źviarnuŭ uvahu Ryhor Rapota. — Uźniknieńnie tych ci inšych prablem — naturalna, jano zaŭsiody budzie. Hałoŭnaje, kab jano nie nasiła antahanistyčnych charaktar i nie nasiła taki charaktar, jaki moža kardynalna paškodzić našy adnosiny».
Dziaržsakratar zaŭvažyŭ, što pamiž Biełaruśsiu i Rasijaj čas ad času ŭźnikajuć sprečnyja pytańni. «Naša zadača jak raz — staracca sadziejničać vyrašeńniu hetych pytańniaŭ», — dadaŭ jon.
