Łukašenka voźmie ŭdzieł u sumiesnym pasiadžeńni novych Pałaty pradstaŭnikoŭ i Savieta Respubliki
Alaksandr Łukašenka daručyŭ deputatam padyści pryncypova da razhladu zakonaprajekta ab respublikanskim biudžecie na 2017 hod. Pra heta paviedamiŭ siońnia žurnalistam staršynia Pałaty pradstaŭnikoŭ Uładzimir Andrejčanka pa vynikach sustrečy z kiraŭnikom dziaržavy.
Uładzimir Andrejčanka raskazaŭ, što 3 kastryčnika adkryvajecca čarhovaja siesija Pałaty pradstaŭnikoŭ piataha sklikańnia. «Na hetaj siesii my płanujem razhledzieć kala 20 pytańniaŭ, hałoŭnaje ź ich — prajekt respublikanskaha biudžetu na 2017 hod, — adznačyŭ jon. — Kiraŭnik krainy źviarnuŭ surjoznuju ŭvahu, kab deputaty pryncypova padyšli da razhladu hetaha važnaha dakumienta, što budzie nami i zroblena».
U čas sustrečy taksama abmiarkoŭvałasia arhanizacyja sumiesnaha pasiadžeńnia Pałaty pradstaŭnikoŭ i Savieta Respubliki, jakoje zapłanavana na 7 kastryčnika. «Płanujecca, što ŭ im voźmie ŭdzieł prezident Biełarusi. Budzie dadziena acenka vynikam pracy Pałaty pradstaŭnikoŭ i Savieta Respubliki i vyznačany zadačy dla novaha składu parłamienta», — raspavioŭ staršynia Pałaty pradstaŭnikoŭ.
