Dvuch niezaležnych naziralnikaŭ zatrymali, kali jany sprabavali źniać fakty falsifikacyj na videa
Leanida Kułakova zatrymali na vybarčym učastku ŭviečary 11 vieraśnia, raspaviali ŭ pravaabarončym centry «Viasna».
Leanid Kułakoŭ. Fota: elections2016.spring96.org
Jon znachodzicca ŭ Izalatary časovaha ŭtrymańnia na Akreścina, jaho aryštavali na troje sutak za chulihanstva.
Jak adznačajuć u centry «Viasna», zatrymańnie ŭsio ž chutčej za ŭsio źviazanaje z tym, što Kułakoŭ byŭ niezaležnym naziralnikam ad kampanii «Prava vybaru». Pry padliku hałasoŭ na ŭčastku №626 108-j Kalinoŭskaj vybarčaj akruhi jon zdymaŭ fakty falsifikacyj pratakołu hałasavańnia.
Leanid Kułakoŭ paśpieŭ paviedamić, što siabra učastkovaj kamisii ahučyła šeptam adnu ličbu hałasavańnia za Hubareviča, a ŭ pratakoł była ŭniesienaja inšaja.
Paśla hałasavańnia Kułakoŭ i jaho kaleha Maja Navumava byli zatrymanyja.
Pra los naziralnicy Mai Navumavaj pakul ničoha nie viadoma.
