Jak robicca «jaŭka»: U centry Barysava na nadomnym hałasavańni za 420 chvilin prahałasavała 320 vybarcaŭ
Cikavyja ličby ahučyŭ naziralnik Siarhiej Sałaš, jaki sačyŭ za vybarami ŭ centry Barysava. Sałaš prysutničaŭ na ŭčastku jak padčas daterminovaha hałasavańnia, hetak i ŭ asnoŭny dzień.
«Na daterminovaje hałasavańnie pryjšło 10,7% vybarcaŭ. U asnoŭny dzień hałasavańnia, pa maich padlikach pryjšło 458 vybarcaŭ. Ja nie vychodziŭ z učastka ŭvieś čas. Heta značyć, što ŭ hałasavańni ŭziało ŭdzieł kala 32%», — kaža Sałaš.
Adnak vynikovyja ličby istotna adroźnivalisia ad ličbaŭ naziralnika. «Prosta sa stoli ŭziali bolš za 120 hałasoŭ u asnoŭny dzień. U pratakołach adznačajecca, što prahałasavała nie 458, a 582 vybarcy. Adkul? Ličby biaruć nie prosta z palca vycisnutyja, a z łokcia».
Ale samaje cikavaje było toje, što ŭ nadomnym hałasavańni ŭziało ŭdzieł až… 321 čałaviek!
«Realna skrynia dla nadomnaha hałasavańnia adsutničała 7 hadzin — heta 420 chvilin. I voś za hety čas zmahli nibyta prahałasavać 320 čałaviek. Heta mienš za 2 chviliny na čałavieka», — aburajecca Sałaš.
«Niepavaha da vybarcaŭ kałasalnaja, heta teatr absurdu. Nichto nie ličyć hałasy. Kali na ŭčastak prychodzić kasy, hłuchi, marazmatyk, jaho abližuć z usich bakoŭ, ale hałasy ličyć nie buduć», — miarkuje naziralnik.
Na ŭčastku ŭ Barysavie pieramahaje kandydat ad ułady, dyrektar pradpryjemstva «Hradabudaŭnik» Vasil Baranik. Redaktar niezaležnaj haziety «Barysaŭskija naviny» Anatol Bukas zajmaje treciaje miesca.
