Alaksandra Hierasimienia ličyć śmiełym učynak Fomačkina, jaki pranios ściah Rasii na Paralimpijadzie
Tut.by
Nieadnarazovy pryzior Alimpijskich hulniaŭ płyŭčycha Alaksandra Hierasimienia nazvała śmiełym učynkam vychad pradstaŭnika biełaruskaj paralimpijskaj delehacyi Andreja Fomačkina z rasijskim ściaham na cyrymonii adkryćcia Paralimpijady-2016.
«Kali ŭ jaho była meta prosta padtrymać rasijskuju kamandu, spartsmienaŭ, jakija rychtavalisia čatyry hady, a niekatoryja i ŭsio žyćcio, da hetaj padziei, — heta pravilna. Usio ž taki heta ludzi, jakija hieroi sami pa sabie. Jany, niahledziačy na svaje prablemy, vychodziać na arenu i vystupajuć za svaju krainu. Tamu jak spartsmien ja heta razumieju. Liču, što heta było niapravilna — adchilić rasijskich atletaŭ», — zajaviła BiełaPAN Hierasimienia.
Pra palityčnuju padaploku ŭčynku Fomačkina prasłaŭlenaja płyŭčycha razvažać nie choča: «Nie chaču ja ŭ heta leźci, choć, mahčyma, tut sapraŭdy prysutničaje niejkaja palityka. Ja mahu tolki skazać, što jak spartsmien razumieju hetuju akcyju salidarnaści».
Jak paviedamlałasia raniej, aficyjny pradstaŭnik MZS Rasii Maryja Zacharava padčas bryfinhu nazvała Fomačkina hierojem. Hierasimienia bolš strymanaja ŭ acency: «Nie mnie aceńvać, hieroj jon ci nie hieroj. Ale pastupiŭ jon śmieła. Dumaju, što dla toj kamandy, jakaja adčuła jaho padtrymku, jon sapraŭdy hieroj. Nie kožny hatovy padtrymlivać inšuju krainu ŭ takoj situacyi».
