Chłopiec ź Viciebska moža sieści na 8 hadoŭ za chientaj u sacsietcy
Śledčy kamitet zaviaršyŭ rasśledavańnie kryminalnaj spravy ŭ dačynieńni da 20-hadovaha žychara Viciebska, jaki raźmiaściŭ na svajoj staroncy ŭ sacyjalnaj sietcy videaroliki ŭ žanry chientaj. Pra heta paviedamlajuć «Narodnyja naviny Viciebska» sa spasyłkaj na pradstaŭnicu SK Śviatłanu Sacharavu.
anime.com
Małady čałaviek na praciahu dvuch hadoŭ źbiraŭ upadabanyja roliki chientaj i vykładvaŭ u siabie na staroncy «z metaj raspaŭsiudžvańnia». Respublikanskaja ekśpiertnaja kamisija pa praduchileńni prapahandy parnahrafii, hvałtu i žorstkaści pryjšła da vysnovy, što videaroliki ŭtrymlivajuć roznyja sceny pałavych znosin i adnosiacca da parnahrafičnych z udziełam niepaŭnaletnich.
Mužčyna raniej užo pryciahvaŭsia da kryminalnaj adkaznaści za raspaŭsiud parnahrafii praź internet. Jamu vystaŭlenaje abvinavačańnie pa č. 2 art. 343-1 KK (Vyrab i raspaŭsiud parnahrafičnych materyjałaŭ abo pradmietaŭ parnahrafičnaha charaktaru z vyjavaj niepaŭnaletniaha). Jamu pahražaje pazbaŭleńnie voli na termin ad troch da vaśmi hadoŭ z kanfiskacyjaj abo biez kanfiskacyi majomaści.
***
Chientaj — žanr japonskaj animacyi (anime), komiksaŭ (manhi), a taksama malunkaŭ adpaviednaj stylistyki, asnoŭnym elemientam jakich źjaŭlajucca eratyčnyja ci parnahrafičnyja sceny.