Z vybaraŭ źnialisia ŭžo 36 kandydataŭ u deputaty
Z parłamienckich vybaraŭ, jakija projduć u Biełarusi 11 vieraśnia, źnialisia ŭžo 36 kandydataŭ u deputaty. Adpaviednaja infarmacyja raźmieščana na sajcie Centrvybarkama.
Praciahvajuć udzieł u vybarach pavodle dadzienych na 5 vieraśnia 488 pretendentaŭ na deputacki mandat. Pa vynikach vyłučeńnia byŭ zarehistravany 521 kandydat, jašče adnaho zarehistravali na padstavie rašeńnia terytaryjalnaj kamisii, troch — pa rašeńni sudoŭ. Rašeńnie ab rehistracyi jašče adnaho kandydata ŭ deputaty było admieniena.
Na hety momant siarod usich kandydataŭ 311 źjaŭlajucca členami palityčnych partyj. U pryvatnaści piać pradstaŭlajuć Biełaruskuju partyju «Zialonyja», 37 — Biełaruskuju partyju levych «Spraviadlivy śviet», 16 — Biełaruskuju patryjatyčnuju partyju, 27 — Biełaruskuju sacyjał-demakratyčnuju partyju (Hramada), 36 — Kamunistyčnuju partyju Biełarusi, 72 — Libieralna-demakratyčnuju partyju, 53 — Abjadnanuju hramadzianskuju partyju, 48 — Partyju BNF, 17 — Respublikanskuju partyju pracy i spraviadlivaści. Siarod kandydataŭ u deputaty 115 žančyn, 28 — deputaty Pałaty pradstaŭnikoŭ dziejnaha sklikańnia, 35 — deputaty miascovych savietaŭ.
