Brutto vypuścili sinhł «Čorny abielisk» VIDEA
Ukrainska-biełaruski pank-rok hurt «Brutto» u svoj dzień narodzinaŭ vypuściŭ sinhł «Čorny abielisk». Pa słovach lidara hurta Siarhieja Michałka, pieśnia pavinna nie dać usim nam stać «stračanym pakaleńniem»:
«Pieśnia «Čorny Abielisk» nie tolki pra siońniašni čas, i navat nie stolki pra toje, što adbyvajecca vakoł. Hetaja pieśnia — chutčej, sproba pieradać uražańnie ad čytańnia ramanaŭ «Byvaj, zbroja!» Cheminhueja i «Na Zachodnim froncie bieź źmien» Remarka. U junactvie mienavita hetyja antymilitarysckija ramany ab «stračanym pakaleńni» paŭpłyvali na ŭvieś moj śvietapohlad. Davajcie nie staniem novym stračanym pakaleńniem! Usim mir!»
Chutčej za ŭsio, «Čorny abielisk» uvojdzie ŭ novy albom, nad jakim pracuje ciapier hurt.
Jak vam novaja pieśnia Brutto? Abmiarkoŭvajcie!
