Z nastupnaha hoda CT možna budzie zdavać pa čatyroch pradmietach
U Biełarusi ŭdaskanalać strukturu centralizavanaha testavańnia, paviedamiŭ siońnia na pres-kanfierencyi ministr adukacyi Michaił Žuraŭkoŭ.
«Testy my, zrazumieła, budziem udaskanalvać. Paśla taho jak dobra budzie ŭkaraniona profilnaje navučańnie, u CT źjavicca dadatkovaja častka S dla profilnych kłasaŭ», — skazaŭ Michaił Žuraŭkoŭ. Hetu treciuju častku testa abituryjentu budzie nieabchodna vykanać pry pastuplenni na śpiecyjalnasci, dzie vyvučajemy na pavyšanym uzroŭni pradmiet budzie profilnym.
Pavodle słoŭ ministra, siońnia testy raźličanyja na ŭsich abituryjentaŭ — i tych, chto vielmi dobra viedaje pradmiet, i tych, chto słabiejšy. U testach jość jak standartnyja zadańni, tak i pavyšanaj składanaści ŭ ramkach školnaj prahramy. Kali ŭ CT nie budzie składanych zadańniaŭ, usie buduć zdavać teściravańnie na 100 bałaŭ, što pryviadzie da vialikaj kolkaści pytańniaŭ.
Jašče adna navacyja, jakaja płanujecca da ŭviadzieńnia z nastupnaha hoda, — mahčymaść zdačy CT adrazu pa čatyroch pradmietach. Taksama čakajecca, što siertyfikaty pa CT buduć sapraŭdnymi na praciahu dvuch hadoŭ.
Hetyja novaŭviadzieńni pačnuć dziejničać paśla ŭstupleńnia ŭ siłu adpaviednaha ŭkaza. Ciapier jon znachodzicca na razhladzie ŭ Administracyi prezidenta. Hetyja miery pašyrać mahčymaści maładych ludziej pry pastupleńni.
