DAI zaklikała aŭtaŭładalnikaŭ zahadzia prybrać mašyny z vulic, pa jakich projdzie paŭmarafon
DAI zaklikaje aŭtaŭładalnikaŭ zahadzia prybrać mašyny z vulic, pa jakich projdzie Minski paŭmarafon. Pra heta na pres-kanfierencyi 30 žniŭnia ŭ Minsku paviedamiŭ namieśnik načalnika ŭpraŭleńnia DAI HUUS Minharvykankama Andrej Zyranaŭ.
Pavodle jaho słoŭ, pa ŭsim maršrucie ruchu biehunoŭ buduć uvodzicca abmiežavańni, u tym liku na praśpiektach Pieramožcaŭ, Niezaležnaści, Mašerava; vulicach Karła Marksa, Lenina, Babrujskaj, Vaładarskaha, Enhielsa, Kamunistyčnaj, Kujbyšava, Kisialova, Janki Kupały i inš.
Zyranaŭ zajaviŭ, što nijaki transpart da miesca praviadzieńnia mierapryjemstva dapuskacca nie budzie.
Namieśnik načalnika DAI HUUS taksama adznačyŭ, što žycharam vulic Karła Marksa, Kamunistyčnaj, Kujbyšava budzie zabaroniena parkoŭka aŭtamabilaŭ na samich vulicach. «Budziem źviazvacca z uładalnikami mašyn i ich pierastaŭlać, kab im na nastupny dzień nie dastaŭlać niazručnaściaŭ i kab było mienš pracy nam. Lepš u hetyja dni na vyšejnazvanych vulicach nie parkavać aŭtamabili i na vulicach ruchu paŭmarafonu i spłanavać tak dzień, kab nie karystacca mašynami i nie vyjazdžać na pierakrytyja vulicy», — skazaŭ Zyranaŭ.
Pavodle słoŭ pradstaŭnika DAI, taksama źmianiajucca maršruty hramadskaha transpartu, jaki budzie chadzić «pa pierymietry pa vulicach Uljanaŭskaj, Kazłova, Niamizie, dazvoleny levy pavarot hramadskaha transpartu ź Niamihi na Ramanaŭskuju Słabadu».
Zyranaŭ taksama adznačyŭ, što DAI budzie zabaraniać parkoŭku aŭtamabilaŭ niedaloka ad miesca praviadzieńnia fiejervierku (na Vostravie śloz) 3 vieraśnia, u Dzień horada. «Pa vopycie my viedajem, što ludzi aktyŭna chočuć vykarystoŭvać dla parkoŭki vulicu Staražoŭskuju, Niamihu. Chaču papiaredzić, što my nie budziem tam dapuskać cpynieńnia asabistaha transpartu, chaatyčnaha kidańnia mašyn i vychadu na prajeznuju častku dla prahladu salutu. Zahadzia pryjazdžajcie, parkujcie mašynu, dzie dazvolena, prychodźcie i hladzicie šou, nie stvarajučy pieraškod dla hramadskaha transpartu i inšych udzielnikaŭ darožnaha ruchu», — paraiŭ Zyranaŭ.
Nahadajem, tradycyjny Minski paŭmarafon, prymierkavany da Dnia horada, startuje 4 vieraśnia ŭ 11.00 kala Pałaca sportu. Budzie praviedziena try zabiehi: na 5, 10 i 21 km. Arhanizatary raźličvajuć sabrać kala 20 tysiač udzielnikaŭ. U minułym hodzie kolkaść udzielnikaŭ pieravaliła za 15 tysiač.
