Rasijskich paralimpijcaŭ nie dapuściać da Hulniaŭ u 2018 hodzie
Paralimpijski kamitet Rasii paviedamiŭ, što rašeńnie Mižnarodnaha paralimpijskaha kamiteta pra niadopusk rasijan na Hulni ŭ Rya-de-Žaniejra raspaŭsiudžvajecca i na Paralimpijadu-2018 u Paŭdniovaj Karei.
Pra heta havorycca ŭ liście PKR, apublikavanym na aficyjnym sajcie arhanizacyi.
Mižnarodny paralimpijski kamitet dyskvalifikavaŭ PKR i adchiliŭ rasijskich spartoŭcaŭ ad udziełu ŭ Hulniach 2016 hoda pa vynikach razhladu dakładu niezaležnaj kamisii Suśvietnaha antydopinhavaha ahienctva pad kiraŭnictvam Ryčarda Makłarena.
Spartyŭny arbitražny sud 23 žniŭnia adchiliŭ apielacyju na adchileńnie rasijskich spartsmienaŭ.
Prezident Rasii Uładzimir Pucin zajaviŭ, što Rasija arhanizuje śpiecyjalnyja spabornictvy dla paralimpijcaŭ, jakija nie atrymali mahčymaści vystupić u Rya.