U Łatvii palicyja biaśpieki razahnała ŭdzielnikaŭ hulni ŭ strajkboł, apranutych u rasijskuju vajskovuju formu
Palicyja biaśpieki Łatvii ŭ minułyja vychodnyja praviała ŭ Azałnijekskim krai pravierku hulcoŭ u Airsoft (strajkboł), apranutych u vajskovuju formu, ale nichto zatrymany nie byŭ.
Jak paviedamili ŭ Palicyi biaśpieki, reahujučy na sihnały ab mahčymym zbory ŭ Censkaj vołaści asob, apranutych u zamiežnuju vajskovuju formu, PB na miescy apytała 26 čałaviek.
U chodzie pravierki kanstatavana, što hetyja ludzi źjaŭlajucca aktyvistami t.zv. ruchu Airsoft (strajkboł). Niekatoryja ź ich byli apranutyja ŭ formu, padobnuju na formu, što vykarystoŭvajecca rasijskimi ŭzbrojenymi siłami, i ekipijavanyja uzbrajeńniem, jakoje vizualna nahadvaje bajavoje. Taksama vyśvietliłasia, što ŭ mierapryjemstvie ŭdzielničali asoby, jakija raniej traplali ŭ pole zroku PB ŭ suviazi z padtrymkaj ahresiŭnaj zamiežnaj palityki Rasii.
«PB ličyć, što dadzieny vypadak znoŭ robić aktualnym nieabchodnaść udaskanaleńnia pravavoha rehulavańnia arhanizacyi hulniaŭ Airsoft. U Łatvii ŭ ciapierašni čas nie isnuje efiektyŭnaj narmatyŭnaj bazy, jakaja rehłamientuje vajskovyja imitacyjnyja hulni i abarot elektrapnieŭmatyčnaj zbroi, što vykarystoŭvajecca ŭ joj.
PB kanstatavała, što vajskovyja imitacyjnyja hulni z zbrojaj Airsoft faktyčna vykarystoŭvajucca dla arhanizacyi vajenna-taktyčnych vučeńniaŭ, naprykład, zachopu budynkaŭ i raźviedki abjekta.
Biez efiektyŭnaha miechanizmu kantrolu pavialičvajecca ryzyka taho, što vajskova-taktyčnyja vučeńni ŭ Łatvii projduć i asoby, jakija vykazvajuć padtrymku niezakonnym uzbrojenym dziejańniam suprać inšych krain», - pakazvaje PB.
PB taksama adznačaje, što padabienstva zbroi, jakaja vykarystoŭvajecca ŭ hulniach Airsoft, z sapraŭdnaj zbrojaj ŭ doŭhaterminovym pieryjadzie źnižaje ŭ hramadstvie pilnaść da prysutnaści nieidentyfikavanych vajskoŭcaŭ u publičnych miescach.
U svaju čarhu adzin z udzielnikaŭ hulni Siarhiej R. źviarnuŭsia da ŚMI, śćviardžajučy što padčas pravierki jon i šerah inšych aktyvistaŭ byli źbityja. Sajtu kompromat.lv jon raspavioŭ, što na miesca hulni prybyli dva mikraaŭtobusy sa śpiecnazam, jaki «biez razboru staŭ bić usich udzielnikaŭ hulni».
Siarhiej R. i jašče adzin udzielnik hulni majuć namier źviarnucca ŭ miedycynskija ŭstanovy, kab zafiksavać naniesienyja im paboi, a paźniej padać zajavu ŭ palicyju. Jon taksama pieradaŭ ŚMI zdymki, na jakich adlustravany rany, naniesienyja jamu supracoŭnikami PB.
