Čempijanat Biełarusi pa spartyŭnaj arnitałohii projdzie 3 vieraśnia
3 vieraśnia. 12 hadzin spabornictvaŭ z 6 ranicy. Roznyja maršruty, roznyja ludzi i roznyja vidy. APB zaprašaje ŭsich, chto cikavicca ptuškami, udzielničać u XIII adkrytym čempijanacie Biełarusi pa spartyŭnaj arnitałohii — Birdrace-2016! Spabornictvy pa tradycyi projduć u pieršuju subotu vosieni — 3 vieraśnia.
Farmat spabornictvaŭ: 6 hadzin ranicy — start dla kamand. Što treba rabić i jak vyjhrać? Meta kamand z 4-ch čałaviek — ubačyć na praciahu 12 hadzin bolš vidaŭ ptušak, čym inšyja kamandy. Možna karystacca lubymi transpartnymi srodkami.
Chto moža ŭdzielničać? Usie achvotnyja, u tym liku žychary inšych krain. Dva pradstaŭnika kamandy pavinny być starejšyja za 18 hadoŭ.
Jak zarehistravać kamandu? Dašlicie zajaŭku ŭ Sakrataryjat APB da 18.00 2 vieraśnia na [email protected].
Što paznačyć pry rehistracyi kamandy?
- Nazva kamandy
- Skład kamandy (4 čałavieka, uzrost jak minimum 2-ch pavinny być bolš za 18 hod. paznačcie kapitana kamandy)
- Miesca starta
- Numar telefona dla suviazi
Nie adkładajcie padaču zajaŭki na apošnija dni: zaprašajcie siabroŭ i płanujcie vychodnyja zaraz!
U minułym hodzie pad čas 12-hadzinnych spabornictvaŭ kamanda «Cmoki» ŭbačyła 112 vidaŭ ptušak i stała pieramožcam.
Kamanda «Cmoki» (źleva naprava: Dz.Charkovič, Dz.Tabunoŭ (kapitan), Ju.Jankievič, I.Bahdanovič)
Cikava, što sučasny rekord dla 12-hadzinnych spabornictvaŭ u Biełarusi — 120 vidaŭ. U 2014 hodzie u śpis kamandy «Arły i strynatki» patrapili 120 vidaŭ ptušak.
Kamanda «Arły i strynatki»
Ci budzie pastaŭleny novy rekord u hetym hodzie? Ci zmožam my adšukać mahiju ličbaŭ čempijanatu, jak u minułym hodzie? Ci pojduć kamandy starymi maršrutami? I, kaniešnie, chto stanie samym sprytnym? Chutka daviedajemsia adkazy na hetyja i inšyja pytańni!
A pakul — čakajem vašych zajavak! Birdrace — unikalnyja spabornictvy: paśpiejcie dałučycca!
Daviedka:
- Pieramožcy i ŭdzielniki čempijanatu-2015 — tut.
- Ahlad čempijanatu-2015 — tut.
- Spampavać praviły čempijanatu pa spartyŭnaj arnitałohii (praviły ad 12 žniŭnia 2016 h.)
