ZŠA papiaredzili, što buduć abaraniać svaich vajskoŭcaŭ u Siryi
Złučanyja Štaty papiaredzili Rasieju pra namier abaraniać svaich vajskoŭcaŭ, jakija znachodziacca ŭ Syryi, kali jany padvierhnucca bambardziroŭkam z boku rasiejskaj abo syryjskaj uradavaj avijacyi. Pra heta ŭ niadzielu zajaviŭ kamandujučy amerykanskimi vojskami ŭ Syryi i Iraku Styvien Taŭnsend.
Jon adznačyŭ, što Ministerstva abarony ZŠA pieradało rasiejskamu boku infarmacyju ab raźmiaščeńni amerykanskich vojskaŭ. Pavodle jaho, Rasieja pieradała hetuju infarmacyju syryjskim vajskoŭcam.
Raniej na hetym tydni vojski prezydenta Syryi Bašara Asada nanieśli avijaŭdary pa kantralavanych kurdami rajonach u horadzie Chasakie na paŭnočnym uschodzie krainy. Amerykanskija instruktary, jakija supracoŭničajuć z kurdami ŭ hetym rajonie ŭ baraćbie ź isłamistami, patrapili pad udar.
