Ukrainskija vajskoŭcy rychtujucca da Dnia Niezaležnaści ŭ formie, pašytaj ź biełaruskaj tkaniny FOTA VIDEA
Ministerstva abarony Ukrainy apublikavała fota padrychtoŭki da vajskovaha paradu na Dzień Niezaležnaści, jakaja adbyvajecca na aeradromie pad Kijevam.
Vajskoŭcy buduć maršyravać u novaj paradnaj i bajavoj formie, jakaja spałučaje sučasnaść i histaryčnyja tradycyi ŭkrainskaj vajskovaści.
Novuju formu pačali raspracoŭvać jašče ŭ 2014 hodzie, kab adlustravać razryŭ z savieckim rasijskim ideałahičnym upłyvam.
Amal usie ŭdzielniki parada — vieterany bajoŭ na Danbasie.
Suchaputnyja siły atrymali paradnuju formu — frenč zialonaha koleru, padobny da frenča armii UNR. VPS Ukrainy majuć frenčy błakitna-šeraha koleru, vajskoŭcy Sił śpiecyjalnych apieracyj — formu stalovaha adcieńnia.
Paradnaja forma šyjecca z materyjału (2/3 bavoŭny, 1/3 sintetyki) ad biełaruskaha vytvorcy. Bierety vyrablajucca z napaŭvaŭnianaj tkaniny indyjskaj kampanii.