Amierykanskija VPS pierafarboŭvajuć svaje samaloty-«ahresary» ŭ rasijski kamuflaž
Źniščalniki F-16 z 64-j «ahresarskaj» eskadrylli, jakaja znachodzicca na bazie Nelis u Nievadzie, pierafarboŭvajucca ŭ novy kamuflaž, «kab adlustroŭvać realnyja pahrozy padčas treniroŭki piłotaŭ», piša airforcetimes.com
F-16 — «ahresar».
Eskadrylla, jakaja aficyjna nazyvajecca ahresarskaj, słužyć dla taho, kab vystupać praciŭnikam padčas vučebnych bajoŭ dla zvyčajnych adzinak VPS ZŠA.
U aficyjnym pres-relizie na sajcie VPS ZŠA Rasija nie zhadvajecca, ale adznačajecca, što «hetaja novaja schiema lepš adpaviadaje siońniašnim pahrozam».
Airforcetimes.com pry hetym naŭprost adznačaje, što kamuflaž naŭprost adpaviadaje schiemie rasfarboŭki adnaho z doślednych ekziemplaraŭ rasijskaha šmatmetavaha źniščalnika Su-35.
Su-35.
Padobnaha typu kamuflaž vykarystoŭvajecca taksama na doślednych uzorach rasijskaha źniščalnika piataha pakaleńnia PAK-FA.
Dla samalotaŭ-«ahresaraŭ» taksama raspracoŭvajecca jašče adna schiema kamuflažu — taksama ŭziataja z adnaho z rasijskich PAK-FA.
Pa kantrakcie z VPS ZŠA raspracoŭvaje rasfarboŭku i farbuje samaloty-«ahresary» pryvatnaja kampanija M1 Support Services, jakaja stvoranaja vieteranami, jakija słužyli jak raz u amierykanskich adzinkach, jakija simulujuć dziejańni praciŭnika.
