U Fejsbuku raspaŭsiudžvajecca novy virus z adsutnaściu vydaleńnia teha. Što rabić?
Karystalniki sacyjalnaj sietki Fejsbuk apošnim časam zaŭvažajuć novy virus, jaki raspaŭsiudžvajecca dziakujučy teham ad virusavanych karystalnikaŭ.
Pry sprobie vydalić teh Fejsbuk vydaje nieviadomuju pamyłku.
Što ź siabie ŭjaŭlaje virus, i jak nie trapicca ŭ pastku? Kali vas raptam adznačyli na spasyłcy, padobnaj da videa, ni ŭ jakim razie nie pierachodźcie pa joj — na vaš akaŭnt prakradziecca virus.
Makiet novaha virusa vyhladaje tak:
Zaŭvažcie, što heta nie videa. Unizie pad malunkam (padobnym da videa), jość spasyłka ź virusam. Na samim videa budzie namalavany avatar karystalnika, jaki vas paznačyŭ, abo niejkaja pryhožaja vyjava.
Pakolki vydalić teh samastojna vy nie možacie, to paviedamicie karystalniku, jaki vas adznačyŭ, što jaho akaŭnt uzłamany. Nie paznačajcie spasyłku jak spam, bo takim čynam vy zabłakujecie karystalnika razam ź videa.
Kali vy vypadkova pierajšli pa spasyłcy, to vaš akaŭnt zrobić rassyłku virusnaj spasyłki z paznačeńniem vašych siabroŭ.
Pakul nieviadoma, jakim čynam vydalajecca virus, ale dziela biaśpieki vašych dadzienych źmianicie parol ad akaŭnta ŭ fejsbuku, a taksama praviercie ŭvieś kampjutar na najaŭnaść virusaŭ.
