Rya: Curkin nie prajšoŭ kvalifikacyju, vieślary vyjšli ŭ paŭfinał
Na XXXI letnich Alimpijskich hulniach u Rya-de-Žaniejra 9 žniŭnia Jaŭhien Curkin nie prajšoŭ kvalifikacyju ŭ płavańni na 100 m volnym stylem. Spartsmien pieraadoleŭ dystancyju za 49,37 siekundy i zaniaŭ 35-je miesca, nie trapiŭšy ŭ lik 16 paŭfinalistaŭ.
U 1/32 finału spabornictvaŭ pa stralbie z łuka Anton Prylepaŭ prajhraŭ u pierastrełcy čylijcu Rykarda Sota (5:6).
U akademičnym viesłavańni mužčynskaja čaćviorka raspašnaja (Vadzim Lalin, Dzianis Mihal, Ihar Paševič, Mikałaj Šarłap) vyjšła ŭ paŭfinał, zaniaŭšy druhoje miesca ŭ suciašalnym zajeździe (6.36,50). Na pieršaj pazicyi PAR (6.34,97).
Viktoryja Čajka ŭ stralbie z małakalibiernaha pistaleta na 25 m nie trapiła ŭ vaśmiorku paŭfinalistak, zaniaŭšy 24-je miesca (575 ačkoŭ) siarod 40 udzielnic.
