Aryštavali jašče adnaho baksiora za sprobu zhvałtavańnia ŭ Alimpijskaj vioscy
Baksior z Namibii Džonas Džuniŭs aryštavany ŭ Alimpijskaj vioscy ŭ Rya-de-Žaniejra pa padazreńni ŭ sprobie zhvałtavańnia, paviedamlaje Reuters.
Fota ic.pics.livejournal.com.
Pavodle infarmacyi ahienctva, namibijskij spartsmien prystavaŭ da pakajoŭki, sprabavaŭ jaje całavać i prapanoŭvaŭ hrošy za seksualnuju suviaź. Pakajoŭka raspaviała pra incydent palicyi.
22-hadovy Džonas Džuniŭs źjaŭlajecca samym maładym udzielnikam alimpijskaj delehacyi Namibii, ale niahledziačy na hety fakt byŭ ściahanoscam zbornaj na cyrymonii adkryćcia Alimpijady-2016.
U piatnicu, 12 žniŭnia, u Džuniŭsa musiŭ być debiut na Hulniach. U 1/32 finału vahavoj katehoryi da 64 kh jon pavinien byŭ sustrecca z francuzam Chasnam Amzile.
Heta ŭžo nie pieršy vypadak seksualnaha damahańnia na Alimpijadzie. Raniej taki ž incydent zdaryŭsia ź inšym baksioram z Maroka Chasanam Saadam. Jon taksama byŭ aryštavany ŭ Alimpijskaj vioscy i zatrymany pakul na 15 sutak.
