Chakiery ŭzłamali kampjutary pieradvybarnaha štaba Klintan
Kibierataki na sietki štaba Chiłary Klintan byli praviedzieny, pa ŭsioj bačnaści, rasijskimi śpiecsłužbami, piša Ńju-Jork Tajms. U papiarednija dva ŭzłomy, jak pisali ŚMI, taksama byŭ znojdzieny rasijski śled
Reuters.com
Kampjutarnyja sistemy, jakija vykarystoŭvajucca pieradvybarnym štabam kandydata ŭ prezidenty ZŠA Chiłary Klintan, byli ŭzłamanyja, vidać, u vyniku kibierataki, praviedzienaj rasijskimi śpiecsłužbami, paviedamiła krynica pravaachoŭnych orhanaŭ ZŠA haziecie The New York Times.
Ab kibieratacy na kampjutarnyja sistemy štaba Klintan paviedamiŭ raniej Reuters sa spasyłkaj na daśviedčanyja krynicy. U samym štabie zajavili, što ŭzłom nie kranuŭ jaho ŭnutranych sistem, adnak chakiery atrymali dostup da prahramy analizu dadzienych.
Heta stała treciaja ataka na amierykanskich demakrataŭ.