Minčuk zatrymaŭ rasijanina, jaki sprabavaŭ abakraści čužy Mercedes u Sierabrancy
Ranicaj u staličnaj Sierabrancy minčuk, jaki prajazdžaŭ mima, zatrymaŭ złodzieja, jaki raźbiŭ škło ŭ čužym Mercedes i skraŭ adtul mahnitołu. Złamyśnikam akazaŭsia recydyvist z rasijskim pašpartam, paviedamlaje HUUS Minharvykankama.
Mužčyna jechaŭ na mašynie pa vulicy Plachanava i ŭbačyŭ, što z akna pryparkavanaha na abočynie Mercedes S180 sprabuje vybracca čałaviek. Minčuk zrazumieŭ, što heta złodziej, spyniŭ svajo aŭto i padbieh da miesca zdareńnia.
U hety ž momant na jaho nakinuŭsia złamyśnik i pamiž imi zaviazałasia bojka. Žančyna, jakaja prachodziła mima, vyklikała milicyju i chutkuju. Praź niekalki chvilin pravaachoŭniki zatrymali złodzieja.
Im akazaŭsia 29-hadovy raniej nieadnarazova sudzimy za majomasnyja złačynstvy hramadzianin Rasii, jaki sprabavaŭ vykraści kurtku i mahnitołu z sałona Mercedes.
Ciapier u dačynieńni da jaho raspačali kryminalnuju spravu pa č.2 art. 205 ( «Kradziež») Kryminalnaha kodeksa RB. Jamu pahražaje pakarańnie ŭ vyhladzie pazbaŭleńnia voli terminam da čatyroch hadoŭ.