Hienprakuror Ukrainy: Zabojstva Šaramieta arhanizoŭvała hrupa asob
Zabojstva žurnalista Paŭła Šaramieta arhanizoŭvała hrupa asob, zajaviŭ hienieralny prakuror Ukrainy Juryj Łucenka 22 lipienia ŭ Užharadzie, paviedamlaje «Ukrainskaja praŭda».
Kamientujučy videa, jakoje ŭ piatnicu apublikavali ŚMI, Łucenka skazaŭ: «My zajmajemsia analizam usich videamateryjałaŭ i nie tolki tych, jakija vam viadomyja ź sietki internet».
«Adzinaje, pra što mahu paviedamić, to zabojca byŭ nie adzin. Heta była hrupa. I častku hetaj hrupy my ŭžo bačym na videa. Zaraz robicca ŭsio, kab atrymać ekśpiertnaje zaklučeńnie pra typ vybuchoŭki», — skazaŭ jon.
Łucenka taksama skazaŭ, što «žurnalisty sumna viadomaha kanała (« 17 kanał»), jakija vypadkova paśpiavajuć pieršymi na rezanansnyja zabojstvy, taksama znachodziacca ŭ poli zroku pravaachoŭnikaŭ i buduć dapytanyja».
