Łukašenka — Vakulčyku: Stanovišča vielmi ciažkaje. I nam, čaho b ni kaštavała, varta zachavać spakoj i mir u krainie
Pra heta zajaviŭ siońnia Alaksandr Łukašenka na sustrečy sa staršynioj Kamiteta dziaržaŭnaj biaśpieki Valeryjem Vakulčykam.
«Mianie nie moža nie turbavać taja situacyja, jakaja składvajecca vakoł Biełarusi. Dziakuj bohu, što nam udajecca pakul strymlivać usiakija niehatyŭnyja prajavy, — skazaŭ kiraŭnik krainy. — My heta bačym, kali niedzie jakijaści źjaŭlajucca momanty. Ale toje, što adbyvajecca vakoł, i va Ukrainie, i apošnija rašeńni Paŭnočnaatłantyčnaha aljansu… i ŭ Turcyi heta ŭbačyli, u Armienii prablemy, u Kazachstanie».
«Stanovišča vielmi ciažkaje. I nam, čaho b ni kaštavała, varta zachavać spakoj i mir u našaj krainie», — padkreśliŭ Alaksandr Łukašenka.
Na sustrečy taksama abmiarkoŭvałasia tema kryminalnych spraŭ asablivaj važnaści, jakija znachodziacca na kantroli i rasśledavańni ŭ KDB. «Mlavaha pracesu tut być nie pavinna», - skazaŭ kiraŭnik dziaržavy.
