17 čałaviek na miesca: jakija śpiecyjalnaści zapatrabavanyja ŭ abituryjentaŭ-2016
15 lipienia Ministerstva adukacyi padviało papiarednija vyniki padačy dakumientaŭ na biudžet. U hetym hodzie samymi zapatrabavanymi stali dźvie śpiecyjalnaści, abiedźvie źviazanyja z tvorčaściu. Za miesca na «Kamunikatyŭny dyzajn» ŭ BDU kankuravali 17 čałaviek. Konkurs na śpiecyjalnaść «Akciorskaje mastactva» ŭ BDAM skłaŭ 13,4 čałavieka na miesca.
Nazirałasia kankurencyja i na techničnych śpiecyjalnaściach: «Elektrazabieśpiačeńnie» u BNTU (11,2 čałavieka na miesca), «Pramysłovaje i hramadzianskaje budaŭnictva» u PDU (8,4 čałavieka na miesca), «Techničnaja ekspłuatacyja aŭtamabilaŭ» u Biełaruska-Rasijskim univiersitecie (9,1 čałavieka na miesca).
Akramia taho, tradycyjna vielmi papularnymi stali śpiecyjalnaści ŭ śfiery infarmacyjnych technałohij u BDUIR i BDU, a taksama «Mižnarodnaje prava» ŭ Biełdziaržuniviersitecie. Hetaja śpiecyjalnaść lidziruje taksama pa prachadnym bale. Dla pastupleńnia nieabchodna nabrać 385 bałaŭ z 400.
Siarod astatnich śpiecyjalnaściaŭ «dla vydatnikaŭ» — «Sučasnyja zamiežnyja movy (pierakład) (kitajskaja mova)» u MDŁU (377 bałaŭ), «Infarmatyka i technałohii prahramavańnia» u BDUIR (373 bały), «Sučasnyja zamiežnyja movy (pierakład) (anhlijskaja mova )» — 371,« Prykładnaja infarmatyka (prahramnaje zabieśpiačeńnie kampjutarnych sistem) »ŭ BDU (363 bały) i inšyja.
Ad 15 lipienia ŭ Biełarusi pačalisia ŭstupnyja vyprabavańni, jakija pravodziacca niepasredna va ŭstanovach adukacyi. U «siłavych» VNU jany skončacca 18 lipienia, u «tvorčych» — 24 lipienia. Zaličeńnie na biudžet u pieršaj katehoryi ŭstanovaŭ adukacyi projdzie da 22 lipienia, u druhi — da 28 lipienia.