Kubak Devisa. Biełaruś abyhrała Łatviju i budzie zmahacca za pavyšeńnie ŭ kłasie
Kamanda Biełarusi atrymała pieramohu nad zbornaj Łatvii ŭ matčy druhoha kruha II hrupy Jeŭra-Azijackaj zony Kubka Devisa. Sustreča prachodzić 15—17 lipienia na korcie Respublikanskaha centra alimpijskaj padrychtoŭki pa tenisie ŭ Minsku.
Vyrašalnaje treciaje ačko biełaruskaj kamandzie 17 lipienia prynios Illa Ivaška (242-je miesca ŭ suśvietnym rejtynhu), jaki abyhraŭ Janisa Podžusa (1211) - 6: 2, 7: 5, 6: 0.
Raniej na hetuju sustreču łatyšskaja kamanda zajaŭlała Mikielisa Libijecisa (475). Adbyłasia zamiena i na zaklučnuju sustreču, jakaja ŭžo nie maje turnirnaha značeńnia. Zamiest Marcińša Podžusa (769) supiernikam Jarasłava Šyły (741) staŭ Rudolf Miednis (biez rejtynhu).
U pieršy dzień 15 lipienia Illa Ivaška vyjhraŭ u Marcińša Podžusa - 6: 4, 6: 2, 7: 5, a Jarasłaŭ Šyła byŭ macniejšy za Mikielisa Libijecisa - 6: 2, 6: 1, 6: 3.
16 lipienia Alaksandr Bury (64-y rejtynh u parnym razradzie) i Andrej Vasileŭski (174) sastupili Marcińšu Podžusu (891) i Mikielis Libijecisu (361) - 6: 3, 3: 6, 4: 6, 6: 7 (2: 7).
16-18 vieraśnia kamanda Biełarusi budzie zmahacca za vychad u I hrupu Jeŭra-afrykanskaj zony. Jaje supiernikam budzie pieramožca matču Finlandyja - Danija. Paśla dvuch dzion u hetym mačcie lik 2-1 na karyść finskich tenisistaŭ.
Kamanda Łatvii zaviaršyła siezon u Kubku Devisa i ŭ nastupnym hodzie znoŭ vystupić u II hrupie Jeŭra-Afrykanskaj zony.
