Śledčy kamitet: Chaski, jaki pakusaŭ dziaŭčynku, — rečavy dokaz, jaho los vyrašyć sud
Los sabaki parody chaski, ad ukusaŭ jakoha ŭ sakaviku zahinuła vaśmimiesiačnaja dziaŭčynka, vyrašyć sud, paviedamiła aficyjny pradstaŭnik Śledčaha kamiteta Julija Hančarova.
Pavodle jaje infarmacyi, u ciapierašni čas chaski znachodzicca ŭ punkcie časovaha ŭtrymańnia žyvioł staličnaha dziaržpradpryjemstva «Fauna horada». «Sabaka pryznany rečavym dokazam pa spravie, i śledstvam vyznačana jaje miesca ŭtrymańnia, - paviedamiła Hančarova. — Pakul idzie kryminalny praces, tak i budzie. Dalej užo sudovym rašeńniem vyznačajecca astatniaje».
Nahadajem, vaśmimiesiačnaja dziaŭčynka zahinuła u Minsku 27 sakavika ad krovastraty paśla taho, jak chaski athryz joj ruku. 25-hadovaja maci ŭ hety čas spała ŭ stanie ałkaholnaha apjanieńnia.
Paśla zdareńnia chaski byŭ źmieščana ŭ punkt časovaha ŭtrymańnia «Fauna horada». U kancy sakavika adzin z tamtejšych vałancioraŭ raspavioŭ, što sabaku na vyhlad čatyry-piać miesiacaŭ. «Žyvioła spakojnaja i pryjaznaja, lohka idzie na kantakt ź ludźmi. Skazać, što jaho nie karmili, nielha, sabaka nie vyhladaje zmučanaj», — adznačyŭ vałancior.
Viadoma taksama, što ŭ pieršyja dni paśla trahiedyi ŭ punkt pieratrymki źviartalisia minčanie, hatovyja zabrać žyviołu sabie, adnak heta zabaroniena. Padčas śledstva žurnalistam zabaraniałasia navat fatahrafavać sabaku.