Šukać kandydataŭ na pasadu rektara EHU budzie šviedski ofis pa padbory piersanału
Pošuk kandydataŭ na pasadu rektara Jeŭrapiejskaha humanitarnaha ŭniviersiteta (Vilnia) budzie ažyćciaŭlać šviedski ofis mižnarodnaha ahienctva pa padbory kirujučaha piersanału, paviedamiŭ BiełaPAN kiraŭnik pa kamunikacyjach i markietynhu EHU Maksimas Miłta.
Pavodle jaho słoŭ, arhanizacyja naniataja dla hetaj mety Šviedskim ahienctvam mižnarodnaha raźvićcia (SIDA). Ciapier SIDA ažyćciaŭlaje nahlad za Trastavym fondam EHU.
«Heta pytańnie znachodzicca pad kantrolem donaraŭ, i praces pošuku rektara budzie maksimalna adkrytym», — skazaŭ Miłta, adznačyŭšy, što pra terminy havaryć rana.
Adkazvajučy na pytańnie, čamu padbor kandydataŭ na pasadu rektara budzie ažyćciaŭlać nie EHU, a inšaja arhanizacyja, Miłta zajaviŭ, što ahienctva budzie tolki prymać zajaŭki kandydataŭ i aktyŭna ich šukać. Kančatkovaje rašeńnie nakont kandydatury rektara prymie ŭsieahulny schod zasnavalnikaŭ, siarod jakich fond «Jeŭrazija», fond «Adkrytaje hramadstva» i Instytut mižnarodnaj adukacyi.
Rektar EHU prafiesar Devid Polik zavieršyć svajo znachodžańnie na hetaj pasadzie ŭ kancy leta.