Kiciel Stalina 1945 h. addali ŭ Dziaržaŭny muziej vajennaj historyi Biełarusi?
Bieły letni kiciel z maršalskimi pahonami, jaki saviecki dyktatar nasiŭ padčas Patsdamskaj kanfierencyi 1945 hoda, staŭ ŭłasnaściu Dziaržaŭnaha muzieju vajennaj historyi Biełarusi, paviedamiła aficyjnaja hazieta Minabarony krainy.
Brytanski premjer Uinstan Čerčyl, prezident ZŠA Hary Trumen i Iosif Stalin u Patsdamie.
Kiciel Iosifa Stalina byŭ pieradadzieny dyrektaru muzieja Siarhieju Azaronku staršynioj aficyjnaha abjadnańnia biełarusaŭ u RF «Biełarusy Rasii» Siarhiejem Kandybovičam.
Paviedamlajecca, što pradmiet uniformy doŭhi čas naležaŭ savieckamu hienierał-lejtenantu Leanidu Ciminu, svajak jakoha byŭ asabistym kiroŭcam Stalina. Potym sasłužboŭcy Cimina vyrašyli pieradać kiciel u biełaruski vajenny muziej.
Padrabiaznaści taho, jak kiroŭca Stalina zmoh prysabiečyć dziaržaŭnuju ŭłasnaść i histaryčnuju kaštoŭnaść, a dziaržaŭnyja orhany nie dabilisia viartańnia jaje, nie raskryvajucca.
Cikava, ci pravodzili biełaruskija ekśpierty i znaŭcy historyi ŭniformy niejkuju ekśpiertyzu daranaha kiciela?
