«ManSici» kupiŭ 19-hadovaha hulca zbornaj Ukrainy z rasijskaha kłuba, jaki treniruje biełarus
Futbolny kłub «Mančester Sici», jaki vystupaje ŭ anhlijskaj premjer-lizie, kupiŭ ukrainskaha futbalista z rasijskaha kłuba «Ufa». Pra nabyćcio Alaksandra Zinčanki «ManSici» abviaściŭ u aficyjnym tvitary.
twitter.com/ManCity
Detali ździełki nie raskryvajucca. Pa dadzienych sajta «Čempijanat.ru», z paŭabaroncam padpisali piacihadovy kantrakt. Jak paviedamlaje Manchester Evening News, za Zinčanku zapłaciać nie mienš za 4,2 miljona jeŭra.
«Mančester Sici» płanuje addać hulca ŭ arendu ŭ niderłandski «PSV».
***
19-hadovy Alaksandr Zinčanka vystupaŭ za «Ufu» u 2015-2016 hadach. Jon pravioŭ 31 hulniu i zabiŭ dva hały. Na Jeŭra-2016 jon udzielničaŭ va ŭsich troch hulniach Ukrainy.
«Mančester Sici» naniaŭ dla siezona 2016/2017 novaha treniera. Im staŭ Chasep Hvardyjoła, jaki raniej treniravaŭ miunchienskuju «Bavaryju». Zinčanka staŭ čaćviortym hulcom, jakoha kłub kupiŭ pry Hvardyjole.
«Ufu», u svaju čarhu, 6 červienia 2016 h. uznačaliŭ biełaruski śpiecyjalist Viktar Hančarenka, jaki pierad hetym treniravaŭ u Rasii «Kubań», «Urał», pracavaŭ trenieram u CSKA.