Łukašenka: Ciapierašniaja situacyja charaktaryzujecca naładžvańniem dobrych adnosin pamiž Biełaruśsiu i ES
Ciapierašniaja situacyja charaktaryzujecca naładžvańniem dobrych adnosin pamiž jeŭrapiejskimi dziaržavami, Biełaruśsiu i Čechijaj pierš za ŭsio. Pra heta zajaviŭ prezident Biełarusi Alaksandr Łukašenka siońnia na sustrečy ź ministram zamiežnych spraŭ Čechii Lubamiram Zaoralekam.
«Mnie pryjemna z vami siońnia sustrakacca. Nikoli nie ličyŭ ni Čechiju, ni Słavakiju čužymi dla nas dziaržavami», — adznačyŭ kiraŭnik dziaržavy.
Jon nahadaŭ, što raniej pamiž Biełaruśsiu i Čechijaj šmat było ahulnaha. «Nie skažu, što ŭsio było biazvobłačna, ale bolš, ja liču, było dobraha, čym drennaha ŭ našych adnosinach, choć i jakija azmročvajuć faktaraŭ było dosyć šmat», - dadaŭ Alaksandr Łukašenka.
«U historyi šmat było stanoŭčaha i admoŭnaha, — praciahnuŭ kiraŭnik krainy. — My pavinny rabić z hetaha adpaviednyja vysnovy. Ja heta skazaŭ dla taho, kab padvieści vas da dumki, što ŭsio ž taki my znajšli ŭ sabie siły pierałamać situacyju, i ciapierašniaja situacyja charaktaryzujecca naładžvańniem dobrych adnosin pamiž jeŭrapiejskimi dziaržavami, Biełaruśsiu i Čechijaj pieradusim».
Łukašenka asabliva adznačyŭ važnuju rolu Čechii ŭ vyznačeńni jeŭrapiejskaj palityki.
U svaju čarhu ministr zamiežnych spraŭ Čechii vykazaŭ mierkavańnie, što nastaŭ čas pačać novy raździeł u adnosinach Biełarusi i Čechii.
