Słavuty ŭkrainski opierny śpiavak Vasil Ślipak zahinuŭ u Danbasie
Viadomy ŭkrainski opierny śpiavak Vasil Ślipak zahinuŭ na ŭschodzie Ukrainy, paviedamiŭ u tvitary pastajanny pradstaŭnik Ukrainy pry Radzie Jeŭropy Dźmitryj Kuleba.
Fota z fejsbuka Juryja Butusava
«Na Danbasie ŭ zonie ATA, abaraniajučy Ukrainu ad rasijskaj ahresii, zahinuŭ sapraŭdny ŭkrainski patryjot, zmahar za svaju Radzimu, viadomy ŭkrainski opierny śpiavak Vasil Ślipak», — havorycca ŭ zajavie Ministerstva kultury Ukrainy.
Jak udakładniŭ žurnalist Juryj Butusaŭ, Ślipak zahinuŭ pad Danieckam, zmahajučysia ŭ šerahach «Pravaha siektara».
«Schilim hałavu, hramadzianie. Vialiki ukrainiec zahinuŭ siońnia, abaraniajučy Radzimu i kožnaha z nas …», — napisaŭ Butusaŭ na svajoj staroncy ŭ fejsbuku.
Vasil Ślipak na Majdanie ŭ Kijevie padčas raźvitańnia z bajcami «Pravaha siektara», zahinułymi 11 červienia 2016 na šachcie Butaŭka, fota z fejsbuka Juryja Butusava
Ślipak, uradženiec Lvoŭskaj vobłaści, paśla 19 hadoŭ pracy ŭ Francyi letam minułaha hoda viarnuŭsia va Ukrainu i ŭstupiŭ u šerahi siomaha asobnaha bataljona arhanizacyi «Pravy siektar».
U Francyi Ślipak śpiavaŭ u «Hrand-Apiera», «Ateniej», Opiera «Bastylija», a taksama ŭ opiernych teatrach haradoŭ Masi, Lijona i Sien-Ećjena.